ئەمڕۆ پێنجشەممە، ١٥ی ٨ی ٢٠٢٤، بە ئامادەبوونی بەڕێز م.عەلی باپیر، سەرۆكی كۆمەڵی دادگەریی و كەس و كاری سەربەرزی شەهیدان و زیندانیانی سیاسی و ڕۆشنبیرو نووسەران، لە هۆڵی ڕۆشنبیریی سلێمانی، مەڕاسیمی ناساندن و بڵاوكردنەوەی كتێبی (كەیوان) چیرۆكی سی و چوار گەنجەكەی ئەمنی سلێمانی بەڕێوەچوو.
لە مەڕاسیمەكەدا بێجگە لە وتاری بەڕێز م.عەلی باپیر، لەلایەن هەریەك لە بەڕێزان م.جەمال بێدار، نووسەرو شاعیرو مامی شەهید كەیوان و م.ئاسۆ كۆچەر، هاوڕێی زیندانی شەهید كەیوان و كاك پەیوەند عومەر، نووسەرو ڕۆژنامەنووس و م.حەمەسوری سجن، هاوڕێی شەهید كەیوان، خوێندنەوە بۆ كتێبەكە كرا.
لە كۆتایی مەڕاسیمەكەدا خەڵاتی ڕێزلێنانی كۆمەڵی دادگەریی لەلایەن م.عەلی باپیرەوە پێشكەش بە خانەوادەو كەس و كاری ٢٤ شەهیدەكە كرا.
سوپاس بۆ ئامادەبوونی خۆشەویستان، سوپاس بۆ هەموو ئەو بەڕێزانەی لەگەڵ ئەم بۆنە بەنرخە ماندووبوون بەتایبەت مەڵبەندی سلێمانی كۆمەڵی دادگەریی كوردستان، هەروەها سوپاس بۆ كەناڵی ئاسمانی پەیام.
