ڕاهێنانى بەڕێوەبردنى هەڵمەتى بانگەشەى ڕووبەڕوو:

ڕاهێنانێکە بۆ ئەو کەسانەى لە هەڵبژاردنەکان کاندیدن، یان تیمى بانگەشەى قەوارەیەکى بەشدارن لە هەڵبژاردنەکاندا.

ئەم ڕاهێنانە لەماوەى (دوو کاتژمێر) دا بەشێوەى گروپى (٢٠ تا ٥٠)کەسى دەوترێتەوەو تیایدا تیشک دەخرێتە سەر شێوازى بەڕێوەبردنى تیمى بانگەشەى ڕووبەڕوو، هەروەها شێوازو توانایی و تەکنیکەکانى هەڵمەتى بانگەشەى ڕووبەڕوو.

لەم ڕاهێنانەدا، بەشداربوو دەتوانێت زانیاریى و توانایى وەرگرێت لەسەر ئەم چەمکانەى خوارەوە:

ـ هەڵبژاردنى ڕووبەڕوو، جۆرەکانى و شێوازەکانى.

ـ چۆنیەتى بەڕێوەبردنى هەڵمەتى بانگەشەى ڕووبەڕوو.

ـ توانایی و تەکنیکەکانى هەڵمەتى بانگەشەى ڕووبەڕوو.

ئەم ڕاهێنانە بەمجۆرە پێشکەش کراوە:

١ـ لە ڕۆژى هەینى، ٦ى ١٠ى ٢٠٢٣، لە (شارى کەرکوک) بۆ (٢٢) بەشداربوو بەڕێوەچووە.

٢ـ ڕۆژى هەینى، ١ى ١٢ى ٢٠٢٣، لە (شارى هەولێر)، بۆ (٤٠) کادیرى سنورى مەڵبەندەکانى دهۆک و سۆران و هەولێرى کۆمەڵ وترایەوە.

٣ـ ڕۆژى هەینى، ٨ى ٣ى ٢٠٢٤، لە شارى سلێمانى، بۆ (٤٠) کادیرى سنورى مەڵبەندەکانى سلێمانى و هەڵەبجەو گەرمیان و چەمەچماڵ وترایەوە.

٤ـ ڕۆژى شەممە، ٢٩ى ٦ى ٢٠٢٤، لە شارى ڕانیە، بۆ (٥٠) کادیرى سنورى مەڵەبەندى ڕانیەى کۆمەڵى دادگەریى کوردستان گوترایەوە.

ڕۆژى هەینىـ ٨ى ٤ى ٢٠٢٤، سلێمانى