پاش بەخشینیان لە پۆستەکانیان، ڕێزلێنان لە‌ سێ به‌رپرسی‌ سنوری‌ كۆمه‌ڵایه‌تی‌ ڕانیه‌
2020-08-31
244 جار خوێندراوەتەوە
 
ڕۆژی‌ پێنجشه‌ممه‌، 27ی‌ 8ی‌ 2020، به‌ئاماده‌بوونی‌ به‌ڕێز م.عومه‌ر گوڵپی‌، به‌ڕێوه‌به‌ری‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ سلێمانی‌ ‌ به‌ڕێزان نوخشه‌ ڕه‌سوڵ، به‌ڕێوه‌به‌ری‌ كارگێڕی‌ دیوان‌و شه‌ماڵ عه‌باس، به‌ڕێوه‌به‌ری‌ چاودێری‌‌و گه‌شه‌پێدانی‌ كۆمه‌ڵایه‌تی‌ بتوێن/پشده‌ر له‌ ڕانیه‌و ئاراس ناصر، به‌رپرسی‌ به‌شی‌ پارێزگاری‌ خێزان‌و سۆران سه‌عید، به‌رپرسی‌ به‌شی‌ پلان‌و هیوا سه‌عید، سه‌رپه‌رشتیاری‌ په‌روه‌رده‌یی‌‌و حه‌لیمه‌ فه‌تاح، به‌رپرسی‌ به‌شی‌ دایه‌نگه‌كان، له‌ هۆڵی‌ بۆنه‌كانی‌ دیوانی‌ به‌ڕێوه‌به‌رایه‌تی‌ گشتی‌ مه‌ڕاسیمێكی‌ تایبه‌ت به‌ سوپاسكردنی‌ سێ به‌رپرسی‌ سنوری‌ كاری‌ به‌ڕێوه‌به‌رایه‌تی‌ چاودێری‌ و گه‌شه‌پێدانی‌ كۆمه‌ڵایه‌تی‌ له‌ ڕانیه‌ به‌ڕێوه‌چوو.
 
مه‌ڕاسیمه‌كه‌ تایبه‌ت بوو به‌ سوپاسكردنی‌ هه‌ریه‌كه‌ له‌ به‌ڕێزان خونچه‌ فه‌قێ عه‌زیز، به‌ڕێوه‌به‌ری‌ دایه‌نگه‌ی‌ ڕانیه‌و هاوكار جه‌وهه‌ر، به‌رپرسی‌ كارگێڕی‌‌و عه‌لی‌ موحه‌ممه‌د، به‌رپرسی‌ بنكه‌ی‌ چاودێری‌ خاوه‌ن پێداویستی‌ تایبه‌ت(بنكه‌ی‌ چاودێری‌ كه‌مئه‌ندامان) له‌ به‌ڕێوه‌به‌رایه‌تی‌ چاودێری‌ و گه‌شه‌پێدانی‌ كۆمه‌ڵایه‌تی‌ ڕانیه. 
 
له‌ مه‌ڕاسیمه‌كه‌دا به‌ڕێز به‌ڕێوه‌به‌ری‌ گشتی‌ وته‌یه‌كی‌ پێشكه‌شكردو له‌ وته‌كه‌یدا سوپاسی‌ تایبه‌تی‌ ئاراسته‌ی‌ هه‌رسێ به‌ڕێزانی‌ به‌خشراو له‌ پۆسته‌كانیان كردو ئاماژه‌ی‌ به‌و پڕه‌نسیپ‌و به‌رنامه‌ یاسایی‌‌و كارگێڕییانه‌دا كه‌ به‌ڕێوبه‌ه‌رایه‌تی‌ گشتی‌ پشتیان پێ ده‌به‌ستێت له‌ بواری‌ سپاردن‌و به‌خشینی‌ پۆست‌و به‌رپرسیارێتییه‌كاندا، هه‌روه‌ها له‌باره‌ی‌ ئه‌رك و كاری‌ ڕابردوویانه‌وه‌ له‌ پۆسته‌كانیان وتی‌:" سوپاسی‌ ئێوه‌ی‌ به‌ڕێز ده‌كه‌ین كه‌ دڵسۆزانه‌ ساڵانێكی‌ زۆر خزمه‌تتان به‌ چین‌و توێژه‌ جیاجیاكان كردووه‌و ئه‌ركی‌ خۆتان به‌ په‌رۆشه‌وه‌ به‌جێهێناوه و خزمه‌تی‌ چین‌و توێژه‌ جیاجیاكان كردووه‌‌".
 
هه‌ر له‌و مه‌ڕاسیمه‌دا به‌ڕێز به‌ڕێوه‌به‌ری‌ گشتی‌ شێوازو سیستمی‌ پڕكردنه‌وه‌ی‌ پۆسته‌كانی‌ له‌ سنوری‌ كاری‌ به‌ڕێوه‌به‌رایه‌تی‌ گشتی‌ ڕوونكرده‌وه‌ كه‌ به‌ڕێگه‌ی‌ ڕاگه‌یاندنی‌ ئاشكراو پێشكه‌شكردنی‌ (c.v)‌و ڕه‌خساندنی‌ ده‌رفه‌تی‌ چونیه‌كه‌ بۆ كارمه‌ندان به‌ ڕه‌چاوكردنی‌ تواناو پسپۆڕی‌‌و بنه‌ما یاسایی‌‌و كارگێڕییه‌كان‌و به‌رپاركردنی‌ دادگه‌ری‌ ‌و دووركه‌وتنه‌وه‌ له‌ هه‌ر جۆره‌ تایبه‌تكاری‌‌و قۆرخكارییه‌ك، ئه‌وه‌ش له‌ پێناو خزمه‌تكردنی‌ باشتری‌ هاووڵاتیان به‌تایبه‌ت ئه‌و هاووڵاتیانه‌ی‌ پێویستیان به‌ خزمه‌تگوزاری‌ چاودێری‌ كۆمه‌ڵایه‌تییه‌.
 
له‌ به‌رانبه‌ردا، هه‌ریه‌كه‌ له‌ به‌ڕێزانی‌ ئاماده‌بوو سوپاسی‌ ڕێزلێنانی‌ به‌ڕێوه‌به‌ری‌ گشتیان كردو جه‌ختیان كرده‌وه‌ به‌هه‌ر ناوو ناونیشانێك ئه‌وان ئاماده‌ن دڵسۆزانه‌ خزمه‌تی‌ وڵاته‌كه‌یان بكه‌ن.
 


لە تۆڕە کۆمەڵایەتیەکان شەیری بکە

پەیوەندیدار

دروستکراوە لەلایەن کۆمپانیای (کۆدتێك)ەوە
ژمارەی سەردان 285,655     ژمارەی میوان 478