هەولێر بۆ وا لێدەکەن؟

2023-01-03

623 جار خوێندراوەتەوە

دەركەوت ئەو منداڵەی پارە بەسەر سەماكارێكدا هەڵدەدات لە شاری هەولێر دەژی و شوێنەكەش هەولێرە، ئەو هەولێرەی كە لە ماوەی حەوت ساڵی ڕابردوودا بەناوی گەشت و گوزارەوە مۆڵەت بە دەیان شوێن دراوە كە بە ناونیشانی یاسایی كاری نایاسایی و شەرمئاوەریان تێدا دەكرێت.

لەو شوێنانەی كە زۆرێكیان بەناو مۆڵەتی ”گەشتیاری”یان هەیە كاری لەشفرۆشی و قومارو تەنانەت بازرگانی بە مرۆڤ دەكرێت، لە زۆرێك لەو شوێنانە ئەو مامەڵەیەی لەگەڵ ئافرەتان دەكرێت (كە زۆرێكیان بیانین) مەگەر تەنها لە سەدە تاریكەكاندا بەو جۆرە مامەڵە لەگەڵ مرۆڤ كرابێت.

هەولێر یەكەم پایتەختی دەستورییە كە كورد خاوەنی بێت، پێویستە دەسەڵاتداران كار بكەن بۆ ئەوەی ناوبانگ بە زانكۆكانی و پیشەسازی و پێشكەوتنە مرۆییەكانی پەیدا بكات نەوەك وەك بەیروت بە مەلهاو شوێنەكانی لەشفرۆشی و قومارخانەكانی، ناكرێت لەشكڕو لەشفرۆش لە شارەكانی عێراق و وڵاتی ئێران و وڵاتانی ترەوە ڕوو لە هەولێر بكەن بۆ دزێوترین و قێزەونترین ڕەفتار، ئەمە ناوبانگی هەولێرو كوردستانیش ناشیرین دەكات و هەموشمان پێویستە شەرم دامانگرێت لە دۆخێكی لەو جۆرە.

هەر بۆیە دوور لە سیاسەت ڕووم لە هەركەسێكی بەرپرسە كە خەمی ناوبانگی كوردستان و ناوبانگی شاری منارەو مزگەوت، شاری سوڵتان موزەفەریەتی، ڕێگە نەدات بەهۆی هەوەسپەرستی و ویستی چەند كەسێكی كەم و بچوك بۆ پڕكردنی گیرفانیان یان سپیكردنەوەی پارە سومعەو ناوبانگی هەولێرو كوردستان لەم ڕووە لەكەدارو ناشیرین ببێت.

ئەوەی لەسەر هەولێر دەوترێت، لەسەر سلێمانی و دهۆکیش ڕاستە، تەنها بە قەرەباڵغییەكی كەمتر!

عومەر گوڵپی

٣ی ١ی ٢٠٢٣

لە تۆڕە کۆمەڵایەتیەکان شەیری بکە

پەیوەندیدار

	سێ ساڵ و نیوە دەرگای پەرلەمانیان داخستووە، کەچی بانگەشەی “سەروەری یاسا” دەکەن!
	"ژمارەو داتاکان لەبارەی داهاتی ناوخۆوە"
	مانگانە ١٠٠ ملیار دینار داهاتى نەوتی پاڵێوراو نادیارە !
	کاتێک هیچ چاودێرییەک لەسەر داهاتى ناوخۆ نییە، بانگەشەى نەبوون و کەمى داهات “بەتاڵە!”
	رەمزییەتی دادگاییکردنی عەجاج