ڕۆژی چوارشەممە، ٢٠ی ٥ی ٢٠٢٠، بەڕێز م.عومەر گوڵپی، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی‌‌و ئامادەبوونی بەرێز پشتیوان موحەممەد بەرپرسی دۆسیەی پاراستنی منداڵ لە بەشی پارێزگاری خێزان، پیشوازیکردن لە شاندێکی ڕێکخراوی لوتکە بۆ ئاوارەو پەنابەران، کە پێکهاتبوون لە بەرێزان بۆتان شارباژێڕی بەرپرسی پەیوەندییەکان‌و لوقمان دێوانەیی، ڕاویژکار لە رێکخراوو یەڵدا زەما هەنگ، پڕۆفیسۆر لە زانکۆی ئەمریکی و خۆبەخش لە ڕێکخراوەکە.
ئامانجی سەردانەکە بریتبوو لە هەماهەنگی لە پێناو کاری هاوبەش بۆ خزمەتی منداڵان بەشێوەیەکی گشتی و منداڵانی ماڵەکانی منداڵان، لە هەمان کاتدا کارکردن لەگەڵ ڕێکخراوە نێودەوڵەتییەکان لە بواری پاراستنی منداڵاندا بۆ خزمەتی منداڵانی ناوخۆی کوردستان.
لەو دیدارەدا بەڕێز بەڕێوەبەرەی گشتی لە ڕوانگەی یاساو ڕێنماییە بەرکارەکانەوە، بنەماو پڕەنسیپە گشتیەکانی کاکردنی لە بواری پاراستنی منداڵان بۆ ئامادەبووان خستەڕوو، هەروەک ئامادەیی بەرێوەبەرایەتی گشتی و سەرجەم دامەزراوەی کۆمەڵایەتی لە سنوری پارێزگای سلێمانی پیشاندا بۆ هەماهەنگی و کاری پێکەوەی لە پێناو پاراستنی منداڵان و ڕەخساندنی ژینگەیەکی گونجاو بۆ ژیانی منداڵان.
