"حکومەت خۆى بەشدارە لە گرانى بازاڕو قۆرخکاریى"
2022-06-12
348 جار خوێندراوەتەوە
  • " حکومەت خۆی بەشدارە لە گرانی بازاڕو قۆرخکاریی؟"
     
    ئەم خاڵانەی خوارەوە ئەو ڕاستیانە بوون ئەمڕۆ لە کۆبوونەوە داخراوەکەی پەرلەمان لەسەر (گرانی بازاڕو بەرزبوونەوەی نرخی پێداویستی هاووڵاتیان) خستمانە ڕوو:
     
    ١- لە سەرەتای ساڵی (٢٠٢١)، وەزارەتی کارەبا بە ڕێنماییەک نرخی بەکارهێنانی یەکەی کارەبای لەسەر هاووڵاتیان و شوێنەکانی کەسابەت و بازرگانی و پیشەسازی گران کرد، بەکارهێنانی یەکەیەکی کارەبای ماڵانی لە (١٥ دینار)ەوە کردە(١٨ دینار)!
     
    ٢- بە بڕیاری ژمارە (١٢٦)ی‌ ساڵی‌ (٢٠١٧)، ئەنجومەنی وەزیران بە پاساوی ڕێکخستنەوەی‌ ڕسوماتی‌ شارەوانیەکان، ژمارەیەکی زۆر ڕسوماتی لەسەر خاوەن کارو پیشەو دوکاندارو کاسبکاری بازاڕ زیاد کرد، لە کاتێکدا بە پێی‌ بڕگەی‌ (یەکەم) لە ماددەی‌ (٢٨)ی‌ دەستور، هیچ "باج" و "ڕسومات"ێک وەرناگیرێت، هەروەها لێخۆشبوونی‌ بۆ ناکرێت تەنها بە یاسا نەبێت، بەمجۆرە ئەو بڕیارەی ئەنجومەنی وەزیران بۆ هەمواری یاسای ژمارە (١٣٠)ی ساڵی (١٩٦٣)، یاسای داهاتەکانی شارەوانی، نایاساییەو وەزارەت و ئەنجومەنی وەزیران دەسەڵاتی هەمواری یاسایان نیە.
     
    ٣- ڕۆژانە وەزارەتی سامانە سروشتیەکان (٢٠,٠٠٠) بەرمیل نەوت دەپاڵێوێت، کە یەک ملیۆن لیتر بەرهەمی بەنزینی هەیە، پاڵاوتنی نەوتەکە بە قۆرخکارییە لای کۆمپانیای (کار)و دابەشکردنی بەنزینەکەش بە هەمانشێوە بە قۆرخکارییە لە ڕێگەی کۆمپانیای (سەن ئۆیڵ)ەوە، هیچ کەس نازانێت ئەم پڕۆسەیە چۆنەو بە چ پێوەرێک و ئەم بەنزینە چی لێدێت؟ بۆچی سلێمانی و دهۆک و شارەکانی تری لێ بێبەش دەکرێت؟
     
    ٤- بەناوی نەبوونی بودجە، بەبێ یاسا، بەشێکی زۆر لە خزمەتگوزاریی وەزارەتی تەندروستی کراوەتە پارە بەناوی نیمچە تایبەت(سیمی پرایڤێت)، بەمجۆرە لە بری ئەنجامدانی نەشتەرگەری بێ بەرانبەر، لە نەخۆشخانەکان پارە لە نەخۆش وەردەگیرێت.
     
    ٥- بە ژمارە (٣)، لە ساڵی (٢٠١٣)، یاسای کێبڕکێ و قەدەغەکردنی قۆرخکاریی لە هەرێمی کوردستان دەرچووە، هەتا ئێستا یاساکە نەچووەتە بواری جێبەجێکردنەوەو حکومەت لە ڕێگە گرتن لە قۆرخکاریی هیچ هەنگاوێک جیدی نەناوەو هیچ پلان و بەرنامەیەکی نیە بۆ وەڵامدانەوەی داوای ڕەوای هاووڵاتیان لە ڕێگەگرتن بە قۆرخکاریی و سنوردانان بۆ بەرزبوونەوەی نرخەکان.
     
    عومەر گوڵپی
    ئەندامی پەرلەمانی کوردستان
    ١٢ی ٦ی ٢٠٢٢

 
لە تۆڕە کۆمەڵایەتیەکان شەیری بکە
پەیوەندیدار

دادگا بە فەرمى ئاگاداریکردینەوە بۆ ئامادەبوون لە دانیشتنى یەکەمى سکاڵاکە

بۆچى دژى پڕۆژەکەیانین؟

دادگای‌ باڵای‌ ئیتیحادی‌ ڕۆژی‌ دانیشتنی‌ یەکەمی‌ بۆ سکاڵاکەمان دەستنیشانکرد

وەک بەڵێنماندابوو، پڕۆژەکەمان ئاراستەى وەزارەتى کارەبا کرد

خستنەڕووى پڕۆژە پێشنیارێک بۆ دابینکردنى کارەباى بەردەوام بەبێ زیادکردنى نرخ

جۆراوجۆر








دروستکراوە لەلایەن کۆمپانیای (کۆدتێك)ەوە
ژمارەی سەردان 512,042     ژمارەی میوان 46