پێشکەشکردنى پێشنیازە یاساى (ماف و ئیمتیازی بریندارو بەرکەوتووانی چەکی کیمیایی)

2022-03-30

286 جار خوێندراوەتەوە

ئەمڕۆ پێشنیازە یاسای (ماف و ئیمتیازی بریندارو بەرکەوتووانی چەکی کیمیایی)مانەپێشکەشکرد، بەهیوام یارمەتیدەری دەستەبەرکردنی مافی برینداران و ساڕێژی برینەکانیان بێت.

پێشنیازە یاساکە لە هەشت ماددە پێکهاتووەو ئەوەی پێویستە بۆ بە یاساییکردنی مافی بریندارو بەرکەوتووانی چەکی کیمیایی و خزمەتکردنیان لە ڕووی ماددی و مەعنەوییەوە لە بڕگەو ماددەکانیدا جێی کراوەتەوەو ئەمڕۆ (٣٠ی ٣ی ٢٠٢٢) بە واژۆی (٢٨) ئەندامی پەرلەمان لە فراکسیۆنە جیاجیاکان پێشکەشکرا.

بێجگە لەو خاڵە گرنگە، کە خزمەتکردن و ڕێزلێگرتنی بریندارو بەرکەوتووانی چەکی کیمیایی و منداڵان و خانەوادەکانیانە، لە هەمانکاتدا یاساکە دەبێتە بەشێک لە پڕۆسەی بە دۆکیومێنتکردنی تاوانی کۆمەڵکوژی و جینۆسایدی گەلێکی بێ دیفاع لەلایەن ڕژێمێکی دڕندەوە کە لە چەندین شارو شارۆچکە وەک هەڵەبجەو قەرەداغ و سێوسێنان و بالیسان و گوندو شوێنەکانی تری کوردستان چەکی کۆمەڵکوژی قەدەغەکراوی بەکارهێنا.

بەهیواین دەستەی سەرۆکایەتی پەرلەمان بە زوویی و لەم وەرزەی یاساداناندا، پێشنیازەکە بخاتە بەرنامەی کارو ببێتە یاساو لەوە زیاتر بەرکەوتووان و بریندارانی چەکی کیمیایی لەو دۆخەی ئێستە نەمێننەوە کە بەشێکی بەهۆی کەلێنی یاساییەوەیە.

سوپاس بۆ بەڕێزان کاک لوقمان حەمەرەشید سەرۆک و م.کامیل عەبدولقادر وتەبێژی کۆمەڵەی قوربانیانی کیمیاییبارانی هەڵەبجەو ستافەکانیان کە پاڵپشت و هاوکارو هاندەربوون بۆ بەجێهێنانی ئەم ئەرکە.

عومەر گوڵپی

ئەندامی پەرلەمانی کوردستان

٣٠ی ٣ی ٢٠٢٢

لە تۆڕە کۆمەڵایەتیەکان شەیری بکە

پەیوەندیدار

	لە دادگای‌ پێداچوونەوەش دۆڕاندیان و بۆ هەمیشە دەرگاکەیان داخرا
	سەرپێچی‌ یاسا و پاشاگەردانی‌ بەم ئاستە؟
	راگەیەنراوێک بۆ ڕایگشتى لەبارەى سزادانى دووبارەى شێروان شێروانى
	ئەمە گرانکردنی‌ بەنزینە، یان یەکخستنی‌ نرخ؟
	باجى (٥%)ى ڕاستەوخۆ لەسەر پسوڵەى نەخۆشخانەى تایبەتەکان نایاساییە