گەرمیان، لەگەڵ کەس و کارو ژمارەیەک لە چالاکوان و ئازادیخوازان و هاوڕێیانى، بەشدارى مەڕاسیمى هەشتەمین ساڵیادى شەهیدى قەڵەم کاوە گەرمیانى. گەنجێک لەو گەرمیانەوە، وەک شنەباى کوێستان، خێرا هاتوو زوو تێپەڕى، تەنها تاوانى ئەوەبوو ئازادانە دەینوسی و دژى گەندەڵەکان بوو، دەیویست بە قەڵەمەکەى وەک ڕۆژنامەنووسێکى ئازادیخواز خزمەتى گەل و وڵات و شارەکەى بکات، ئەم بۆ هەمیشە ناوى بە زیندوویى دەمێنێتەوە، بکوژانیشى شەرمەزارى لاى خەڵک و خوا بوون و دەبن.