پاش بەدواداچوون، داواى هەڵوەشانەوەى سزاى نەبەستنى پێوەرى ئاو درایە حکومەت
2021-09-21
226 جار خوێندراوەتەوە
بەدواداچوون
 
سەرۆکایەتی پەرلەمان، بە نووسراوی (٤ /٣ /٢٨٦٧) لە ١٤ی ٩ی ٢٠٢١، داوای هەڵوەشانەوەەی سزای نەبەستنی پێوەری ئاوی ئاراستەی ئەنجوومەنی وەزیران کرد، ئیتر ئەوە ئەرکی حکومەتە کارکردن بە ڕێنمایی وەزارەتی شارەوانی ڕاگڕێت و کار بە یاسای ژمارە (٤)ی‌ ساڵی‌ (٢٠٢١) بکات، کە بریتیە لە یاسای‌ پاراستنی‌ پڕۆژەو تۆڕەکانی‌ ئاوو ئاوەڕۆ لە هەرێمی‌ کوردستان کە بەهیچ جۆرێک ڕێگە بە سزایەکی لەمجۆرە نادات و هەموو جۆرە سەرپێچیەک و سزاکەی تیا دەستنیشانکراوەو ڕێکەمان نەدا پێوەری ئاو ببێتە ماددەیەکی یاساکە.
 
هاووڵاتی ئەبێت وشیاربێت، و داوای مافەکانی بکات، لە فەرمانگەیەک داوای پارەیەکی لێ ئەکرێت ئەبێت داوای ڕوونکردنەوە بکات، ئەم سزایە چیە؟ بە پێی چ یاسایەکە؟ هەموو ڕێوشوێنەکانی تری لا ڕوون بێت، ئەرک و مافەکانی بزانێت، ئەگەرنا ئەبێت هەمیشە سەرانە بدات.
هەروەها لەگەڵ ژمارەیەک پەرلەمانتاری دڵسۆز سەرقاڵی بانگهێشتی حکومەتین بۆ لێپرسینەوەی لەسەر ئەم سزا نایاساییە.
 
حکومەت پێویستە بە یاسا کار بکات، ئەرک و مافی هاووڵاتی و حکومەتیش لە یاساکان دەستنیشان کراوە، نابێت هاووڵاتی بێ دەسەڵات بکاتە بارمتەی باج و خەراجی خۆی.
 
بەردەوام دەبین..
عومەر گوڵپی
ئەندامی لیژنەی دارایی لە لە پەرلەمانی کوردستان
٢٠ی ٩ی ٢٠٢١

 


لە تۆڕە کۆمەڵایەتیەکان شەیری بکە

پەیوەندیدار

دروستکراوە لەلایەن کۆمپانیای (کۆدتێك)ەوە
ژمارەی سەردان 285,230     ژمارەی میوان 55